ZISTERREN IBILBIDEA (Bigarren etapa)

Santes Creus

          Bigarren etapa egiteko Vallbonatik abiatuko zarete Santes Creus herrirantz. Han dago Santes Creuseko Santa Mariaren Errege-Monasterioa. Zenobio hau 1160. Urtean hasi zen eraikitzen. Kataluniako Erdi Aroko artearen eraikin bikaina da. XIX. mendean fraideek utzi egin zuten, eta esparruaren zati bat hondatu egin zen. 1921 urtean monumentu nazional izendatu zuten eta berreraikuntza lanak hasi ziren.

Kapitulu-gela

Logela

          Zisterren ibilbidean zenobio bizitza ez duen monasterio bakarra da. Horregatik txoko guztiak ikusi ahal dira: logelak, kapitulu-gela, jangela, klaustroak …

Pere Handiaren mausoleoa

                  Eta, nola ez, eliza. Elizan arkitekturaz gain, bi mausoleo garrantzitsu daude bakoitza hilobi batekin: bata Pere Handia erregearena eta bestea Jaume II. Justua bere emaztearekin.

Calçots prest daude jateko

            Santes Creus Alt Camp-en (Tarragona) dagoenez, itsasoaren eta mendien artean, monasterioko bisitari esker, gastronomia eta kultura tradizionala ezagutu ahalko duzue zeren Alt Camp da calçot-en eta castells-en eskualde nagusia.
          Valls da Alt Camp-eko hiriburua eta, han Tarragonako, beste herri askotan bezala, upeltegi modernista dago eta bisitatzea merezi du; herriko alde zaharrean antzinako auzo judutarrean ibil daiteke … Hala ere, derrigorrezkoa da Vallsen bi gauza egitea: “calçotada” eta castellersen emanaldia ikustea.

Castellersen emanaldia

          Gastronomia eta tradizioez aparte, Santes Creusetik bide polita ere egin dezakezue (autoz edo bizikletaz) Gaià ibaian zehar: Gazteluaren bidea. 

El Catllareko gaztelua

Montferriko dorrea

X. eta XI. mendeetan Bartzelonako Konderriaren eta Al-Andalusaren arteko muga izan zen Gaià ibaia; horregatik gazteluak eta dorre asko eraikin zituzten. Gehienak hondaturik daude, baina batzuk bisita daitezke. Haien artean El Catllar-eko gaztelua eta Montferri-ko dorrea.
          Kostalderantz jarraituz gero, Tamarit-eko eta Altafulla-ko gazteluak aurkituko dituzue. 

Tamariteko gaztelua

Altafulla

Lehenengoa partikularra da, eta ospakizunak eta ezkontzak egiteko erabiltzen da. Bigarrena, berriz, gaztelu-jauregia da. Altafullako gune historikoan kokatua dago. Herri osoak, bai kaleak, bai plazak, benetako erdi aroko izaera mantentzen du.
          Santes Creusera itzuli baino lehen, Altafulla edo Tamariteko hondartzak bainua hartzeko aukera ona dira. Eta gero hurrengo etapa egiteko prest egongo zarete.

Santes Creus – Poblet 35’3 Km.